İran hücumlarının 83 faizini Körfəz ölkələrinə, cəmi 17 faizini İsrailə yönəldib (HESABAT)
Müharibənin başlanğıcından bəri İran tərəfindən buraxılan raket və pilotsuz uçuş aparatlarının (PUA) statistik təhlili göstərir ki, Tehranın hədəflərinin təxminən 83 faizi ərəb Körfəz ölkələri, cəmi 17 faizi isə İsrail olub. Bu rəqəmlər İranın "İsrailə qarşı müharibə" ritorikasının arxasında əslində regionun sabitliyini və enerji təhlükəsizliyini hədəf aldığını ortaya qoyur.
BƏƏ hökuməti regional vəziyyətlə bağlı geniş media brifinqi keçirib
Regional gərginlik fonunda Birləşmiş Ərəb Əmirlikləri hökuməti son vəziyyətlə bağlı ictimaiyyətə məlumat verib. Əbu-Dabidə keçirilən geniş media brifinqində ölkənin təhlükəsizlik, diplomatik və iqtisadi vəziyyətinə dair ən son məlumatlar açıqlanıb. Brifinqdə Müdafiə Nazirliyi, Daxili İşlər Nazirliyi, Xarici İşlər Nazirliyi, İqtisadiyyat və Turizm Nazirliyi, eləcə də Milli Fövqəladə Hallar, Böhran və Fəlakətlərin İdarə Edilməsi Təşkilatının nümayəndələri iştirak ediblər.
