İsrail Suriyə və Livana niyə eyni vaxtda hücuma keçdi?
İsrail qüvvələri Suriyanın cənub-qərbində yerləşən Kuneytra vilayətində evə basqın edib, Livanın cənubunda isə atəşkəsə baxmayaraq hava və artilleriya zərbələri endirib. İsrail əsgərlərinin Kuneytranın şimal kəndlərindən Terencə daxil olaraq bir evdə axtarış apardığı bildirilir. Suriya dövlət televiziyasının məlumatına görə, basqın zamanı saxlanılan şəxslərlə bağlı əlavə məlumat verilməyib.
İsrailin Livana hücumu zamanı iki Feldşer öldürüldü
Livanın cənubundakı Nəbatiyyə şəhərində İsrailin həyata keçirdiyi hücum nəticəsində iki feldşer həlak olub, bir nəfər isə yaralanıb. Livan Səhiyyə Nazirliyi bildirib ki, tibbi yardım briqadası yaralı şəxsi xilas etməyə çalışarkən birbaşa hədəfə alınıb.
Suriya prezidenti Livanın Hizbullahın tərksilah edilməsi təşəbbüsünü dəstəklədiyini açıqlayıb
Suriya prezidenti Əhməd əş-Şəraa Livan prezidenti Cozef Aunun Hizbullahın silahsızlaşdırılması istiqamətində apardığı siyasəti dəstəklədiyini açıqlayıb. Bu barədə Suriya dövlət mediası məlumat yayıb. Bildirilir ki, Əhməd əş-Şəraa Avropa rəsmiləri ilə keçirilən videokonfrans zamanı Suriyanın Livan rəhbərliyinin bu təşəbbüsünü dəstəklədiyini bildirib.
