Qazaxıstan Türkiyə hərbi aviasiyası üçün hava məkanını açdı

Qazaxıstan və Türkiyə arasında hərbi tranzitlə bağlı yeni saziş təsdiqlənib. Qazaxıstan Senatı Türkiyə ilə hərbi əmlak və şəxsi heyətin hava məkanı vasitəsilə tranzitinə dair sazişin ratifikasiyası haqqında qanun layihəsini qəbul edib. Sazişə əsasən, Türkiyəyə məxsus hərbi-nəqliyyat və icarəyə götürülmüş mülki təyyarələrin hər iki ölkənin hava məkanından enişsiz uçuşuna hüquqi baza yaradılır. Sənəd bərabərlik, tərəfdaşlıq və qarşılıqlı fayda prinsiplərinə əsaslanır.