İsveçrədə İran–ABŞ danışıqları başladı
İran və ABŞ nümayəndə heyətləri arasında mühüm danışıqlar İsveçrənin Bürgenştok qəsəbəsində başlayıb. Görüşlərdə vasitəçi qismində Qətər və Pakistan nümayəndələri də iştirak edirlər.
Tramp ABŞ-ın İranla bağlı tələblərini mərhələli şəkildə yumşaldır
Həməd bin Xəlifə Universitetinin ictimai siyasət üzrə professoru Sultan Bərakətin fikrincə, İran ABŞ-la danışıqlarda getdikcə daha inamlı mövqe nümayiş etdirir. Ekspert hesab edir ki, zaman artıq Vaşinqtonun deyil, Tehranın xeyrinə işləyir. Onun sözlərinə görə, danışıqlarda maliyyə məsələləri, xüsusilə İranın xaricdə dondurulmuş aktivləri hələ də gündəmdədir. Bununla belə, Bərakət qeyd edir ki, İran hazırda bu vəsaitlərə dərhal çıxışı həyati məsələ kimi görmür və Vaşinqtonun əvvəlki sərt tələblərindən tədricən geri çəkildiyini düşünür.
Tom Barak vəzifəsindən ayrıldı, amma rolu qalacaq?
ABŞ dövlət katibi Marko Rubio ABŞ-ın Suriya üzrə xüsusi nümayəndəsi vəzifəsini icra edən Tom Barak üçün müəyyən edilmiş rəsmi mandat müddətinin başa çatdığını açıqlayıb. Marko Rubio sosial şəbəkədə paylaşdığı açıqlamada bildirib ki, Tom Barak Suriya üzrə xüsusi nümayəndə kimi fəaliyyət göstərdiyi müddətdə ABŞ administrasiyasına mühüm töhfələr verib.
İran və Misir ABŞ–İran münaqişəsinin dayandırılması ilə bağlı müzakirələr aparıb
İranın xarici işlər naziri Abbas Əraqçi Misirin xarici işlər naziri Bədr Əbdülati ilə regional vəziyyət və diplomatik prosesləri müzakirə edib. Məlumata görə, son təmaslarda ABŞ–İran danışıqları, Hörmüz boğazı, nüvə proqramı və sanksiyalarla bağlı məsələlər əsas gündəm mövzuları sırasında yer alıb.
