Sahibə Qafarova Bob Bləkmənlə parlamentlərarası əməkdaşlığı müzakirə edib
Milli Məclisin sədri Sahibə Qafarova Böyük Britaniya Parlamentinin üzvü Bob Bləkmənlə görüşüb. Görüşdə Azərbaycan və Böyük Britaniya parlamentləri arasında əməkdaşlığın inkişafı müzakirə olunub. Tərəflər parlamentlərarası əlaqələrin iki ölkə münasibətlərində mühüm rol oynadığını vurğulayıblar. Sahibə Qafarova qarşılıqlı səfərlərin və təmasların əlaqələrin möhkəmlənməsinə xidmət etdiyini bildirib. Bob Bləkmən Azərbaycanın inkişafı və Bakı şəhəri ilə bağlı müsbət fikirlərini bölüşüb. Görüşdə dostluq qrupları arasında əməkdaşlıq və beynəlxalq parlament təşkilatlarında qarşılıqlı fəaliyyət məsələləri müzakirə olunub. Həmçinin regiondakı vəziyyət, Azərbaycan-Ermənistan sülh prosesi və işğaldan azad edilmiş ərazilərdə aparılan bərpa işləri barədə fikir mübadiləsi aparılıb.
Britaniya monarxiyası və qlobal güc şəbəkəsi - Görünən hakimiyyətlə görünməyən təsir arasında
Müasir dünyada Böyük Britaniya çox vaxt parlament demokratiyasının, hüququn aliliyinin və demokratik idarəetmənin ən uğurlu nümunələrindən biri kimi təqdim edilir. Lakin bu sistemin tarixi və institusional quruluşuna daha dərindən baxdıqda fərqli bir mənzərə ortaya çıxır. Bir çox tədqiqatçılar hesab edir ki, ölkədə demokratik institutlarla yanaşı əsrlər boyu formalaşmış aristokratik və monarxik güc mərkəzləri də öz təsirini qoruyub saxlamaqdadır.
