Çölçü İctimai Birliyinin növbəti görüşü keçirilib
Çölçü İctimai Birliyinin növbəti görüşü keçirilib. Tədbirdə birlik üzvləri, ictimai fəallar və müxtəlif sahələrin nümayəndələri iştirak ediblər. Görüşdə təşkilatın gələcək fəaliyyət istiqamətləri və yeni layihələr müzakirə olunub. Çölçü İctimai Birliyinin başqanı Eltən Törəçi təşkilatın məqsədləri barədə məlumat verib. O, birliyin milli və mənəvi dəyərlər ətrafında insanları bir araya gətirdiyini bildirib. Qarşıdakı dövrdə müxtəlif düşərgələr, yürüşlər və inkişaf proqramlarının təşkili planlaşdırılır. Həmçinin milli-mənəvi dəyərlərin və etno-mədəni irsin qorunmasına yönəlmiş layihələrin həyata keçirilməsi nəzərdə tutulur. İştirakçılar birgə fəaliyyətin davam etdirilməsi ilə bağlı mövqelərini ifadə ediblər.
Şamaxıda “Elləroyuğu” Yaylaq Festivalı keçirilib - Ağbaba-Şörəyel irsi yenidən yaşadıldı
Şamaxı rayonunun Qızmeydan kəndində “Elləroyuğu” Yaylaq Festivalı keçirilib. Amasiya rayonu Elləroyuğu kənd İcmasının təşkilatçılığı ilə baş tutan festival Qərbi Azərbaycanın zəngin tarixi-mədəni irsinin, xüsusilə Ağbaba-Şörəyel mahalının milli-mənəvi dəyərlərinin yaşadılması və gələcək nəsillərə ötürülməsi məqsədilə təşkil olunub.
