Yəmən hökuməti nəzarətindəki hava limanlarının fəaliyyətini qiymətləndirir
Yəmən hökuməti nəzarətində olan ərazilərdəki hava limanlarının fəaliyyətinin hərtərəfli qiymətləndirilməsinə başlayıb.Bu barədə VOA məlumat verir ki,qiymətləndirmə hava limanlarının texniki və inzibati vəziyyətini əhatə edir. Proses çərçivəsində mövcud ehtiyacların və problemlərin müəyyənləşdirilməsi, həmçinin onların həlli üçün təkliflərin hazırlanması nəzərdə tutulur.
İranın qərb hava məkanı müvəqqəti bağlanıb
İranda bütün daxili uçuşların dayandırılması və ölkənin qərb hissəsində yerləşən hava məkanının bağlanması bölgədə artan təhlükəsizlik narahatlıqlarının yeni göstəricisi kimi qiymətləndirilir. Son günlər baş verən hərbi hadisələr və müxtəlif şəhərlərdə qeydə alınan partlayışlardan sonra aviasiya sahəsində əlavə təhlükəsizlik tədbirləri tətbiq olunub. Rəsmi məlumatlara görə, bütün daxili reyslər növbəti bildirişədək ləğv edilib və qərb istiqamətində hava hərəkətinə məhdudiyyət qoyulub. Hələlik məhdudiyyətlərin nə qədər davam edəcəyi açıqlanmayıb. İran hakimiyyəti vəziyyəti izlədiyini və hava nəqliyyatı ilə bağlı növbəti qərarların təhlükəsizlik qiymətləndirmələri əsasında veriləcəyini bildirir.
