Dünya çempionatı öncəsi qalmaqal: Fələstin Futbol Federasiyasının prezidentinə ABŞ vizası verilməyib

2026-cı il futbol üzrə dünya çempionatı ərəfəsində diqqətçəkən diplomatik qalmaqal yaşanıb. Fələstin Futbol Federasiyasının prezidenti Cibril ər-Rəcub ABŞ-yə giriş vizası ala bilmədiyini açıqlayıb. Federasiya rəhbərinin sözlərinə görə, Beynəlxalq Futbol Federasiyası tərəfindən bütün akkreditasiya prosedurları tamamlanmasına baxmayaraq, o, hələ də ABŞ ərazisinə daxil olmaq üçün tələb olunan vizanı əldə edə bilməyib.