İran-ABŞ görüşü fonunda İsrail Livanla bağlı açıqlama yayıb

İsrail rəhbərliyi Livanın cənubunda nəzarət altında saxladığı ərazilərdən geri çəkilməyəcəyini açıqlayıb. İsrailin müdafiə naziri Yisrael Kats bildirib ki, ordunun Livandakı əməliyyatlarına hər hansı məhdudiyyət tətbiq olunmayıb və hərbi fəaliyyət davam etdiriləcək. Nazirin sözlərinə görə, İsrail ordusunun Livandakı əməliyyatlarının məhdudlaşdırıldığı barədə yayılan məlumatlar həqiqəti əks etdirmir. O iddia edib ki, həyata keçirilən əməliyyatlar Hizbullaha qarşı cavab tədbirləri xarakteri daşıyır.