Yunanıstan mətbuatı: Türkiyə ilə Misirin müdafiə sahəsində yaxınlaşması Afinada narahatlıq yaradır

Türkiyə ilə Misir arasında müdafiə sənayesi sahəsində son dövrdə müşahidə olunan yaxınlaşma Yunanıstanda narahatlıq doğurur. Yunanıstanın Kathimerini qəzeti bu barədə məqalə yayımlayıb. "Türkiyə və Misir müdafiə sahəsində yaxınlaşır" başlıqlı məqalədə qeyd olunur ki, iyulun 13-də Türkiyə Prezident Administrasiyasının Müdafiə Sənayesi İdarəsinin rəhbəri Haluk Görgün Misirin müdafiə və hərbi istehsal naziri general-leytenant Əşrəf Salim Zahirlə görüşüb.