İraq ABŞ ilə İran arasında atəşkəsə vasitəçilik etdiyi barədə xəbərləri təkzib edib

İraq ABŞ ilə İran arasında atəşkəsə vasitəçilik etdiyi barədə yayılan məlumatları təkzib edib. Baş nazir Aparatı bu iddiaları tamamilə əsassız adlandırıb. Rəsmi Bağdad mediaya yalnız rəsmi mənbələrə istinad etməyi tövsiyə edib. "The New York Times" İraqın Vaşinqtonun təklifini Tehrana çatdırdığını yazmışdı. Qəzetin məlumatına görə, İran Hörmüz boğazı ilə bağlı məsələlər nəzərə alınmadığı üçün təklifi qəbul etməyib. Bu iddialar İraq tərəfindən rədd edilib. İran isə məsələ ilə bağlı hələlik rəsmi mövqe açıqlamayıb.