Liviyada 10 nəfərin edamı ilə bağlı araşdırma tələb olunur

Liviyanın Dövlət Ali Şurası ölkənin şərqində 10 vətəndaşın edam edilməsindən narahatlığını bildirərək hökmlərin icrası ilə bağlı bütün hüquqi prosedurların araşdırılmasını tələb edib. Şuranın açıqlamasında bildirilib ki, edam hökmlərinin icrası yalnız məhkəmə hakimiyyətinin səlahiyyətindədir və təqsirləndirilən şəxslərin saxlanılması, məhkəmə prosesi, müdafiə hüquqları və hökmün icrasına qədərki prosedurlar tam şəkildə qanunun tələblərinə uyğun olmalıdır.