Gürcüstan tarif məsələsini həll etdi, Ermənistan üçün neft məhsulları tranziti davam edəcək - Nazir
Azərbaycanın xarici işlər naziri Ceyhun Bayramov ilin yekunlarına dair mətbuat konfransında bildirib ki, Ermənistan tərəfindən neft məhsullarının satışı ilə bağlı sorğu daxil olub və daşınma Gürcüstan üzərindən həyata keçiriləcək. Nazir qeyd edib ki, bu məsələ ilə bağlı Azerpress Media Agentliyinin sualına cavab olaraq Gürcüstan tərəfindən tətbiq edilən ilkin tarif həqiqətən yüksək olub: “Bu, Azərbaycanda suallar yaratdı, çünki mövcud praktikaya uyğun deyildi. Qısa müddət ərzində Gürcüstan rəhbərliyi məsələyə müdaxilə etdi və məsələ öz həllini tapdı. Tam bazar şərtlərinə uyğun tarif şirkətlər arasında razılaşdırılıb. Fürsətdən istifadə edərək Gürcüstan rəhbərliyinə təşəkkür edirəm. Bu onu göstərir ki, Azərbaycan-Gürcüstan münasibətləri dost münasibətləridir. Düşünürəm ki, bu məsələ həllini tapıb və yenə də o marşrutdan istifadə ediləcək,” – deyə Ceyhun Bayramov vurğulayıb.
Gürcüstan 2026-cı ildən QDİƏT-ə sədrlik edəcək
Gürcüstan 2026-cı il yanvarın 1-dən Qara Dəniz İqtisadi Əməkdaşlıq Təşkilatına (QDİƏT) sədrlik edəcək. Bu barədə Qara Dəniz İqtisadi Zonası Xarici İşlər Nazirləri Şurasının 51-ci sessiyası zamanı bildirilib.
Orta Dəhliz Qafqaz üçün etibarlılıq marşrutuna çevrilir - Gürcüstan
Gürcüstanın Baş naziri İrakli Kobaxidze Orta Dəhliz kimi tanınan Trans-Xəzər Beynəlxalq Nəqliyyat Marşrutu haqqında danışaraq onun bir güvən dəhlizi rolunu oynadığını bildirib. Kobaxidze bu fikirləri Türkmənistanın paytaxtı Aşqabadda keçirilən “Beynəlxalq Sülh və Güvən İli Forumu”nun açılışında səsləndirib. Baş nazir çıxışında Tbilisi rəhbərliyinin barış siyasətinə sadiq qaldığını, regional təhlükəsizliyin möhkəmləndirilməsinə töhfə verməyə davam etdiklərini vurğulayıb. Gürcüstanın regional sülh və sabitlik üçün dialoqların aparılmasına dəstək göstərdiyini bildirən Kobaxidze “Birlikdə gələcək nəsillər üçün daha təhlükəsiz, sabit və davamlı bir gələcək qura bilərik.” - deyə qeyd edib.
Azərbaycandan Ermənistana yanacağın ilk partiyası göndəriləcək
Gürcüstan Azərbaycandan Ermənistana yanacaq partiyasının bir dəfəlik pulsuz daşınmasına icazə verib. Gürcüstanın Baş naziri İrakli Kobaxidzenin qərarına əsasən, “Gürcüstan Dəmir Yolları”na həmin dəmir yolu tranzit daşınmasını dərhal, tamamilə pulsuz və bir dəfəlik yerinə yetirmək tapşırılıb. Rəsmi tərəflər bu qərar haqda məlumatlandırılıb”, - bəyanatda qeyd olunur
Bakıda Azərbaycan-Gürcüstan Media Forumu keçirilir
Bakıda “İctimai etimadın formalaşdırılmasında medianın rolu və informasiya təhlükəsizliyi” mövzusunda Azərbaycan-Gürcüstan Media Forumu keçirilir. Tədbirin açılış mərasimində Medianın İnkişafı Agentliyinin İcraçı direktoru Əhməd İsmayılov çıxış edəcək. Forum çərçivəsində birinci panel sessiya “İnformasiya təhlükəsizliyinin təmini məqsədilə media ekosisteminin gücləndirilməsi” mövzusuna həsr olunacaq.
Gürcüstanda müxalif siyasətçi məhkəmə binasını yandırmağa cəhd edib
Gürcüstanın paytaxtı Tbilisidə şəhər məhkəməsinin kargüzarlıq şöbəsini yandırmağa cəhd etmiş müxalifətyönümlü siyasətçi Aleko Elisaşvili hüquq mühafizə orqanları əməkdaşları tərəfindən saxlanılıb.
Şimal-Cənub dəhlizi Azərbaycan vasitəsilə formalaşır. Moskva və Tehran sabit marşrut seçirlər
26 noyabrda Bakı yenidən Avrasiya logistikasının iştirakçılarının görüş yeri oldu: burada MDB ölkələrinin Dəmir Yolu Nəqliyyatı Şurasının 83-cü iclası keçirildi. Bu görüş ilk növbədə Azərbaycan, Rusiya və İran arasında imzalanmış üçtərəfli memorandumdan sonra səslənən mühüm siyasi-iqtisadi siqnal oldu.
Gürcüstandan Türkiyə limanlarına 1 milyon tondan çox yük daşınıb (ÖZƏL)
2025-ci ilin yanvar- oktyabr aylarında Gürcüstandan Türk limanlarına 1 milyon 66 min 195 ton yük daşınıb. “Bu ilin yanvar- oktyabr aylarında Gürcüstandan Türkiyəyə digər dövlətlərin bayrağı altında üzən gəmilərlə 373 min 211 ton yük daşınıb” – deyə nazirlikdən bildiriblər. “Bu ilin yanvar- oktyabr aylarında Gürcüstandan Türkiyəyə digər dövlətlərin bayrağı altında üzən gəmilərlə 692 min 984 ton yük daşınıb” – deyə nazirlikdən bildiriblər.
Orta Dəhliz - sadəcə marşrut deyil, innovasiya və iqtisadi artımın hərəkətverici qüvvəsidir
Orta Dəhliz - sadəcə nəqliyyat marşrutu deyil: o, innovasiyaları, əməkdaşlığı və iqtisadi artımı stimullaşdırır. Bunu ABŞ-nin Gürcüstandakı müvəqqəti işlər vəkili Alan Pörsell Avropa İttifaqı-Gürcüstan Biznes Şurası tərəfindən təşkil olunan “Qara dəniz Platforması” illik konfransında bildirib. O, Orta Dəhlizdə – Mərkəzi Asiyanı dünya bazarları ilə birləşdirən əsas ticarət marşrutunda – Gürcüstanın mühüm rolunu vurğulayıb.
Budapeşt görüşündə Yaşıl Enerji Dəhlizi üzrə əsas razılaşmalar əldə olunub
Azərbaycan, Gürcüstan, Rumıniya və Macarıstan arasında “Yaşıl Enerji Dəhlizi”nin yaradılması üzrə nazirlərin Budapeşt görüşü mühüm nəticələrlə yekunlaşıb.
Tbilisidə Azərbaycan-Gürcüstan enerji tərəfdaşlığının inkişafı müzakirə olunub
Tbilisidə “Azərbaycan, Gürcüstan, Rumıniya və Macarıstan Hökumətləri arasında yaşıl enerjinin inkişafı və ötürülməsi” layihəsi üzrə Nazirlər/Rəhbər Komitənin 11-ci iclası çərçivəsində energetika naziri Pərviz Şahbazov Gürcüstanın iqtisadiyyat və davamlı inkişaf naziri Mariam Kvrivişvili ilə görüşüb.
Türkiyə hərbçilərinin cəsədi olan təyyarə Tbilisidən Ankaraya yola düşüb
Gürcüstanda C130 hərbi nəqliyyat təyyarəsinin qəzaya uğraması nəticəsində həlak olan 20 hərbçinin cəsədini daşıyan Türkiyə Hərbi Hava Qüvvələrinin A400M təyyarəsi noyabrın 13-də Tbilisidən Ankaraya yola düşüb.
