BAKI,VOA, Fərid Mikayılov

Denizli vilayətində yerləşən Çameli Dövlət Xəstəxanası üçün dializ binasının (böyrəkləri işləməyən xəstələrin qanının aparat vasitəsilə təmizləndiyi xüsusi tibb binasıdır) tikintisi məqsədilə açıq tender elan olunub

Tenderdə yerli və əcnəbi şirkətlər iştirak edə bilər. Məlumata görə, layihə çərçivəsində bir ədəd bina inşa ediləcək və işlərin icra müddəti yer təhvil verildikdən sonra 210 gün təşkil edəcək.

Tender iştirakçıları aşağıdakı meyarlara sahib olmalıdırlar:

- Türkiyə Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklər olmamalı;

- Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı;

- Müflis elan olunmamalı, məhkəmənin qərarı ilə kommersiya fəaliyyəti dayandırılmış şəxs olmamalıdır.

Tender təklifinin təqdim edilməsinin son tarix vaxtı:

- Tender təklifləri 22 may 2026-ci il tarixinə qədər "Sırakapılar, Şht. Albay Karaoğlanoğlu Cd. No:1B, 20010 Denizli Merkezefendi/Denizli" ünvanına bağlı və küncləri möhürlənmiş zərflər şəklində təqdim edilməlidir