Bakı. AzerVoice:
Qazaxıstanın “FlyArystan” aşağı büdcəli aviaşirkəti “Air Astana”dan ayrılıb.
AzerVoice xəbər verir ki, bu barədə “Samruk-Kazyna” şirkətinin aktivlərinin özəlləşdirilməsi departamentinin direktoru Dastan Adıxocayev məlumat verib.
"Əvvəllər "FlyArystan" "Air Astana"nın struktur bölməsi idi. İndi isə FlyArystan 100% törəmə şirkətdir. Yəni, artıq müstəqil hüquqi şəxsdir, - deyə o bildirib.
Məlumata əsasən, bununla bağlı gələcəkdə korporativ strukturda dəyişiklik etmək planlanmır.
Bundan əlavə, FlyArystan yaxın zamanda öz operator sertifikatını alacaq.
