FOTO UZA, TAHIR ISTATOV
Bakı,AzerVoice
Buxarada tarix-etnoqrafik parkı yaradılacaq, AzerVoice xəbər verir ki, bu haqda Buxara vilayətinin qubernatoru Botir Zaripov Buxarada turizm şəhərciyinin yaradılması ilə bağlı keçirdiyi mətbuat konfransında deyib.
“Növbəti 7 illik dövrü turizm istiqamətində əməli dəyişikliklər baxımından təhlil etsək, Buxaraya xaricdən turist axınında kəskin artım müşahidə olundu. Məsələn, 2023-cü ildə Buxaraya 1 milyon 387 min xarici turist gəlib. Halbuki 2016-cı ilin sonunda bu göstərici 169,6 min nəfər, yəni 8 dəfə az olub.Turizm xidmətlərinin dəyəri 339,1 milyon dollar olub, yəni 2017-ci ildəki 37,2 milyon ilə müqayisədə 9 dəfə artıb. Respublika ərazilərindən Buxaraya 3 milyon 489 min nəfər daxili turizm səfəri ilə gəlmişdir.”-deyə o bildirib.
Zaripov onu da qeyd edib ki, Buxarada irili-xırdalı mehmanxanaların sayı 7 il ərzində 541-ə, yəni demək olar ki, 5 dəfəyə, qonaq yerlərinin sayı isə 14 minə çataraq 4 dəfə artmışdır.
“ Hal hazırda Buxarada ümumilikdə 116 restoran turistlərə xidmət göstərir.Turist avtobus və mikroavtobuslarının sayı 307-yə (22 dəfə) çatıb. 142 turizm şirkəti və 305 bələdçi işləyir. Buxara Beynəlxalq Hava Limanına birbaşa və çarter reyslərinin sayı 7-8 dəfə artırılıb. Türkiyə və Rusiya şəhərlərinə birbaşa uçuşlar açılıb. Eyni zamanda Fransa, İngiltərə, İsveçrə, Macarıstan, Yaponiya, İsrail, Pakistan, Səudiyyə Ərəbistanı, Dubay, Qətər, Malta, Azərbaycan, Belarus, Tacikistan, Qazaxıstan və Qırğızıstana çarter reysləri həyata keçirilir. Afro-Syob yüksək sürətli qatar xidməti iki dəfə artırıldı”-deyə o əlavə edib.
