Qazaxıstanda çalışan əmək miqrantlarının sayı açıqlanıb

FOTO Qazaxıstan Respublikasının Əmək və Əhalinin Sosial Müdafiəsi Nazirliyi

1 fevral 2024-cü il tarixinə Qazaxıstanda yerli icra hakimiyyəti orqanlarının icazəsi ilə çalıçan əcnəbi vətəndaşların sayı, 12 min 882 nəfər təşkil edib.

Bu haqda AzerVoice Qazaxıstan Respublikasının Əmək və Əhalinin Sosial Müdafiəsi Nazirliyinin mətbuat xidmətinə istinadən xəbər verir.

Xarici işçi qüvvəsinin cəlb edilməsi üçün verilən icazələr arasında aşağıdakı kateqoriyalar var: rəhbərlər və onların müavinləri üçün 565 icazə (birinci kateqoriya), struktur bölmələrinin rəhbərləri üçün 2671 icazə (ikinci kateqoriya).
Məlumat əsasən , cəlb olunan əcnəbi işçilərin əsas hissəsi üçüncü (mütəxəssislər) və dördüncü (ixtisaslı işçilər) kateqoriyalarına aiddir - müvafiq olaraq 5 min 871 və 595 nəfər.
“Müvafiq dövrdə 564 nəfər mövsümi işlərə, 2 min 616 nəfər isə korporativ köçürmələr çərçivəsində işə qəbul edilib”-deyə məlumatda bildirlir.

Qeyd edək ki , hal hazırda Qazaxıstanda əcnəbi işçi qüvvəsindən istifadə edən 1657 işəgötürən var.

İqtisadi fəaliyyət növlərinə görə Qzaxıstanda ən çox əcnəbilər tikintidə - 4 min 326 nəfər (33,5%), emal sənayesində - 1370 nəfər (10,6%), mədənçıxarma və karxanalarda - 1298 nəfər (10%), peşə, elmi və texniki fəaliyyətdə - 843 nəfər (6,5%) çalışır, kənd təsərrüfatı, meşə təsərrüfatı və balıqçılıq sahəsində- 600 nəfər (4,6%) çalışır.

Əmək miqrantlarının əsas mənşə ölkələri belədir: Çin – 4 min 045 nəfər (31,4%), Hindistan – 1152 nəfər (8,9%), Türkiyə – 1110 nəfər (8,6%), Özbəkistan – 673 nəfər (5,2%) olub.