Bakı. AzerVoice:
Türkiyənin STM Müdafiə Texnologiyaları şirkəti milli qaynaqlarla hazırlanmış döyüş gəmilərini Malayziyada keçiriləcək 2024 DSA Sərgisində təqdim edəcək.
Bu barədə AzerVoice-a Türkiyə hərbi mənbələrindən bildirilib.
Məlumata əsasən, Türkiyə Hərbi Dəniz Qüvvələri, Ukrayna və Pakistan Hərbi Dəniz Qüvvələri üçün yerüstü və sualtı platformalar inşa edən STM, Malayziyada beş fərqli dəniz layihəsini nümayiş etdirəcək.
Türkiyənin ilk milli korvet layihəsi olan “MİLGEM Ada Class” Malayziyada STM stendində sərgilənəcək. STM-nin layihəçisi və əsas podratçısı olduğu digər mühüm layihə, Türkiyənin ilk milli freqat layihəsi olan "MİLGEM Stack Class Frigate" (TCG İSTANBUL) da STM stendində yerini alacaq.
Türkiyənin ilk kiçik ölçülü milli sualtı layihəsi "STM500" STM tərəfindən öz qaynaqları ilə hazırlanan, yüksək sürət və manevr qabiliyyətinə malik, raketlərlə hücum edə bilən "STM MPAC Hücum Botu" və sahil "CG-3100" mühafizə gəmisi də sərgidə təqdim ediləcək.
