BAKI, AzerVoice

Baykar və Leonardo-nun əməkdaşlığı Türkiyə və İtaliyanın gələcəyinə töhfə verəcək.

AzerVoicexəbər verir ki, Türkiyənin Sənaye və Texnologiya naziri Mehmet Fatih Kaçır, Baykar ilə İtaliyanın aparıcı müdafiə və aviasiya şirkəti Leonardo arasında qurulan strateji əməkdaşlıqla bağlı açıqlama verib.

Nazir bildirib ki, bu tərəfdaşlıq yalnız texnoloji deyil, həm də siyasi və strateji baxımdan iki ölkənin gələcəyinə mühüm töhfələr verəcək.

“Bu əməkdaşlıq Türkiyənin müdafiə sənayesi ixracatını artıracaq, Avropanın təhlükəsizliyində oynadığı rolu gücləndirəcək və beynəlxalq diplomatiyada təsir gücünü daha da artıracaq. ‘Milli Texnologiya Hərəkatı’ çərçivəsində qazandığımız nailiyyətləri siyasi, iqtisadi və strateji müstəvilərdə də uğurla davam etdirəcəyik.”- deyə Nazir Kaçır sosial media hesabında paylaşdığı açıqlamada vurğulayıb.

Kaçır əlavə edib ki, Türkiyə mürəkkəb beynəlxalq şəraitdə sabitlik və sülh adası olaraq qalmaqda qərarlıdır.