BAKI,AzerVoice, Orxan Qədirzadə

İstanbulun Beyoğlu rayonunda M7 metro xəttinin tikintisi zamanı dayaq konstruksiyasının çökməsi nəticəsində qəza baş verib.

AzerVoice xəbər verir ki, hadisə Meclis-i Mebusan küçəsində, Kabataş prospekti yaxınlığında yerləşən tikinti sahəsinin -6-cı mərtəbəsində beton tökmə işləri zamanı qeydə alınıb.

İlkin məlumata görə, çökmə səbəbindən bir neçə işçi xəsarət alıb. Yaralılardan biri çıxarılaraq təcili tibbi yardım qruplarına təhvil verilib, digər işçilərin çıxarılması istiqamətində axtarış-xilasetmə tədbirləri davam etdirilir.

Hadisə yerinə çoxsaylı təcili tibbi yardım maşını, polis və yanğınsöndürmə briqadaları cəlb olunub. Tikinti sahəsində təhlükəsizlik tədbirlərinin gücləndirilməsi və çökmənin səbəblərinin müəyyənləşdirilməsi üçün araşdırma aparılır.