BAKI,VOA, Fərid Mikayılov

Türk Dövlətləri Təşkilatının (TDT) baş katibi Kubanıçbek Ömüraliyev İstanbulda Yaponiyanın xarici işlər nazirinin müavini Arfiya Eri ilə görüşüb.

VOA xəbər verir ki, görüşdə TDT-nin fəaliyyəti və Türk dünyasında regional əməkdaşlığın inkişafında təşkilatın rolu müzakirə olunub.

Tərəflər Asiya ilə Avropanı birləşdirən Transxəzər Beynəlxalq Şərq-Qərb Orta Dəhlizinin imkanlarını da nəzərdən keçiriblər.

Görüş zamanı ticarət və investisiya, enerji, nəqliyyat, rəqəmsallaşma, innovasiya, yaşıl transformasiya, təhsil və xalqlar arasında əlaqələrin gücləndirilməsi istiqamətlərində əməkdaşlığın genişləndirilməsi imkanları müzakirə olunub.

Yaponiya tərəfi Türk dünyası ilə qarşılıqlı əlaqələri daha da gücləndirməkdə maraqlı olduğunu bildirib.

Görüşün sonunda TDT ilə Yaponiya arasında, o cümlədən TDT+ formatı çərçivəsində əməkdaşlığın inkişaf etdirilməsi məqsədilə təmasların davam etdirilməsi barədə razılıq əldə olunub.