İstanbul yaxınlığında batan yük gəmisində itkin düşən 10 nəfərin axtarışı davam edir
Türkiyədə xilasetmə qrupları İstanbul sahillərində batan yük gəmisinin 10 nəfərlik ekipajını tapmaq üçün axtarış-xilasetmə əməliyyatını davam etdirir. VOA məlumat verir ki,hadisə çərşənbə günü Mərmərə dənizində, İstanbulun qərbində yerləşən İmralı adası yaxınlığında baş verib. “FG SEVIL” adlı yük gəmisinin batmasından sonra 3 ekipaj üzvü xilas edilib.
Mərmərə dənizində yük gəmisi batıb, 10 dənizçi itkin düşüb
Türkiyənin Mərmərə dənizində iki yük gəmisinin toqquşması nəticəsində gəmilərdən biri batıb, onun 10 nəfərlik heyəti ilə əlaqə kəsilib. Hadisə İstanbulun cənub-qərbində, Mərmərə dənizində baş veribTürkiyə Dənizçilik Baş İdarəsinin məlumatına görə, “Tugberk İmamoglu” adlı gəmi digər gəmi ilə toqquşduqdan sonra heç bir çağırışa cavab verməyib və ekipaj üzvlərinin mobil telefonlarına da zəng çatmayıb.
Hakan Fidan İstanbul görüşündən sonra açıqlama verib
Türkiyə, Səudiyyə Ərəbistanı və Pakistan İstanbulda ilk üçtərəfli müdafiə görüşünü keçirib. Toplantı Məkkə Birgə Müdafiə Sazişi çərçivəsində baş tutub. Görüşdə xarici və müdafiə nazirləri, həmçinin hərbi rəhbərlik nümayəndələri iştirak edib. Tərəflər müdafiə imkanlarının artırılması və hərbi əməkdaşlığın genişləndirilməsini müzakirə ediblər. Müdafiə sənayesi sahəsində birgə layihələr də gündəmə gəlib. Razılaşmaya əsasən, tərəflərdən birinə hücum bütün iştirakçı ölkələrə qarşı hücum kimi qiymətləndirilir. İstanbul görüşü üç ölkə arasında yeni təhlükəsizlik mexanizminin formalaşdırılması istiqamətində ilk addım hesab olunur.
TDT Yaponiya ilə əməkdaşlığı gücləndirir
Türk Dövlətləri Təşkilatının (TDT) baş katibi Kubanıçbek Ömüraliyev İstanbulda Yaponiyanın xarici işlər nazirinin müavini Arfiya Eri ilə görüşüb. Görüş zamanı ticarət və investisiya, enerji, nəqliyyat, rəqəmsallaşma, innovasiya, yaşıl transformasiya, təhsil və xalqlar arasında əlaqələrin gücləndirilməsi istiqamətlərində əməkdaşlığın genişləndirilməsi imkanları müzakirə olunub.
Silivridə başlayan yanğın geniş əraziyə yayılıb, bəzi evlər təxliyə edilib
Türkiyənin İstanbul şəhərinin Silivri rayonunda əkin sahəsində başlayan yanğın küləyin təsiri ilə qısa müddətdə geniş əraziyə yayılıb. Güclü küləyin təsiri ilə sürətlə yayılan yanğınla əlaqədar İstanbulun müxtəlif ərazilərindən çoxsaylı yanğınsöndürmə briqadaları hadisə yerinə cəlb olunub. Alovların yaşayış məntəqələrinə yaxınlaşması səbəbindən ehtiyat tədbiri olaraq bəzi evlərin sakinlərinin təxliyə edildiyi bildirilib.
Türkiyə 2032-ci ilə qədər SEEBRIG Qərargahına ev sahibliyi edəcək
Türkiyə 2026-2032-ci illər ərzində Cənub-Şərqi Avropa Briqadasının (SEEBRIG) Qərargahına ikinci dəfə ev sahibliyi edəcək. Qərargah Şimali Makedoniyadan İstanbula köçürülüb. Türkiyə Milli Müdafiə Nazirliyinin yaydığı məlumata görə, Şimali Makedoniyanın Kumanovo şəhərində yerləşən SEEBRIG Qərargahına məxsus bütün texnika, avadanlıq və materiallar iyulun 19-21-də İstanbula daşınıb. Həmin tarixlərdə qərargah heyəti də mərhələli şəkildə Türkiyəyə gəlib və birlik avqustun 3-dən etibarən İstanbulda tam əməliyyat qabiliyyətinə çatıb.
İngilis şirkətləri Türkiyəyə 842 milyon lirədən çox sərmayə yatırıb – ÖZƏL
2026-cı ilin yanvar–iyun aylarında Türkiyədə Böyük Britaniya kapitallı 50 yeni şirkət qeydiyyata alınıb. Bu, ötən ilin eyni dövrü ilə müqayisədə 22 şirkət çoxdur. Qurumdan bildirilib ki, hesabat dövründə Türkiyədə qeydiyyata alınan Britaniya kapitallı şirkətlərin ümumi kapitalı 842 milyon 400 min 75 türk lirəsi təşkil edib. 2025-ci ilin eyni dövründə bu göstərici 349 milyon 955 min 800 türk lirəsi olub.
Türkiyə təhlükəsizlik qüvvələri İŞİD şəbəkəsinə zərbə endirib
Türkiyədə İŞİD terror təşkilatına qarşı genişmiqyaslı əməliyyat keçirilib. Ölkənin 30 vilayətində aparılan əməliyyat zamanı 119 nəfər saxlanılıb. Şübhəlilər terror təşkilatına üzvlük, təbliğat və maliyyələşdirmə fəaliyyətində iştirak etməkdə ittiham olunurlar. Əməliyyat zamanı çoxsaylı sənəd və rəqəmsal material ələ keçirilib. İyunun sonunda Ankarada İŞİD-lə əlaqədə şübhəli bilinən bir nəfər silahlı qarşıdurmada zərərsizləşdirilmişdi. Daha sonra terror təşkilatları ilə əlaqədə şübhəli bilinən 209 nəfər də saxlanılmışdı. Türkiyə terrorizmlə mübarizə əməliyyatlarını davam etdirəcəyini bəyan edib.
Fələstində davamlı sülhün yolu iki dövlətli həll modelindən keçir - Rəcəb Tayyib Ərdoğan
Türkiyə Prezidenti Rəcəb Tayyib Ərdoğan Fələstin məsələsinin Yaxın Şərqdə gərginliyin əsas mənbəyi olduğunu bildirib. O, İstanbulda keçirilən NATO toplantısında çıxışı zamanı bölgədə davamlı sülhün yalnız iki dövlətli həll modeli ilə mümkün olduğunu vurğulayıb. Ərdoğanın sözlərinə görə, İsrailin Fələstin torpaqlarında məskunlaşma siyasəti dayandırılmalıdır. Türkiyə Prezidenti Fələstin probleminin beynəlxalq hüquq əsasında həllinin vacibliyini qeyd edib. O, Qəzza və İordan çayının qərb sahilində davam edən hərbi əməliyyatlarla bağlı İsraili yenidən sərt tənqid edib. Ərdoğanın açıqlamaları Ankara ilə Təl-Əviv arasında davam edən siyasi gərginlik fonunda səsləndirilib. Türkiyə iki dövlətli həll modelini bölgədə sabitliyin əsas şərti hesab edir.
Dünya ilə inteqrasiya olunmuş, böyük dövlətlərin hörmət etdiyi Türkiyə var - Ərdoğan
Türkiyə Prezidenti Rəcəb Tayyib Ərdoğan ölkənin son illərdə qlobal miqyasda mövqeyinin gücləndiyini bildirib. Ərdoğan İstanbulda keçirilən “TİM 33-cü Ümumi Qurultayı və İxrac Çempionları Mükafatlandırma Mərasimi”ndə çıxışı zamanı Türkiyənin əvvəlki dövrlərdəki vəziyyəti ilə müqayisədə mühüm dəyişikliklər yaşadığını qeyd edib.
Türkiyə və Rumıniya əməkdaşlığın genişləndirilməsini müzakirə edib
Türkiyə Prezidenti Rəcəb Tayyib Ərdoğan Rumıniya Prezidenti Nikuşor Dan ilə İstanbulda görüş keçirib. Görüş patrul gəmisinin Rumıniya Hərbi Dəniz Qüvvələrinə təhvil verilməsi mərasimindən sonra baş tutub. Tərəflər ikitərəfli münasibətləri və regional məsələləri müzakirə ediblər. Ərdoğan ticarət, müdafiə və təhlükəsizlik sahələrində əməkdaşlığın genişləndirilməsinin vacibliyini vurğulayıb. O, Qara dənizdə təhlükəsizliyin qorunması üçün birgə fəaliyyətin əhəmiyyətini qeyd edib. Türkiyə lideri İranla bağlı sülh prosesinin Rusiya-Ukrayna müharibəsinin sona çatmasına da töhfə verə biləcəyini bildirib. Görüşdə yüksək səviyyəli Türkiyə rəsmiləri də iştirak ediblər. Tərəflər əməkdaşlığın inkişaf etdirilməsi ilə bağlı fikir mübadiləsi aparıblar.
İstanbulda Axıska türklərinin deportasiyasına həsr olunmuş sərgi açılır
İstanbulda Axıska türklərinin deportasiyası tarixini və onların doğma torpaqlara qayıdış uğrunda mübarizəsini əks etdirən genişmiqyaslı sərgi təşkil olunacaq. Məlumata görə, ekspozisiya Türkiyə Xarici İşlər Nazirliyinin dəstəyi, Dünya Axıska Türkləri Birliyinin koordinasiyası və muzeyçilik sahəsi üzrə mütəxəssis Bəstə Gürsunun kuratorluğu ilə hazırlanıb.
