BAKI,VOA, Fərid Mikayılov
Türkiyə Prezidenti Rəcəb Tayyib Ərdoğan ölkənin son illərdə qlobal miqyasda mövqeyinin gücləndiyini bildirib.
VOA xəbər verir ki, Ərdoğan İstanbulda keçirilən “TİM 33-cü Ümumi Qurultayı və İxrac Çempionları Mükafatlandırma Mərasimi”ndə çıxışı zamanı Türkiyənin əvvəlki dövrlərdəki vəziyyəti ilə müqayisədə mühüm dəyişikliklər yaşadığını qeyd edib.
“Türkiyə dünənin öz içinə qapanmış Türkiyəsi deyil. Artıq hər sahədə dünya ilə inteqrasiya olunmuş, bərabər səviyyədə münasibətlər qurmaq bacarığı qazanmış, böyük dövlətlərin hörmət etdiyi bir Türkiyə var”, - deyə Ərdoğan bildirib.
Türkiyə lideri çıxışında ölkənin iqtisadi və beynəlxalq əlaqələr sahəsində inkişaf etdiyini vurğulayıb.
