Türkiyə Sudanda BMT-nin logistika mərkəzinə edilən hücumu pisləyib

Türkiyə Sudanın Abyei bölgəsində yerləşən Birləşmiş Millətlər Təşkilatının (BMT) Müvəqqəti Təhlükəsizlik Qüvvələrinin (UNISFA) Cənubi Kordofan əyalətinin paytaxtı Kaduqlidəki logistika mərkəzinə edilən hücumu pisləyib. Türkiyənin Xarici İşlər Nazirliyi Sudanda həyata keçirilən hücumla bağlı yazılı açıqlama yayıb. Açıqlamada “Abyei bölgəsində fəaliyyət göstərən BMT-nin Müvəqqəti Təhlükəsizlik Qüvvələrinin (UNISFA) Sudanın Cənubi Kordofan əyalətinin paytaxtı Kaduqlidə yerləşən logistika mərkəzinə edilən hücumu qətiyyətlə pisləyirik” ifadəsinə yer verilib.

15 Dekabr 2025 10:21

BAKI, AzerVoice, Nailə Babazadə

AzerVoice xəbər verir ki, Türkiyənin Xarici İşlər Nazirliyi Sudanda həyata keçirilən hücumla bağlı yazılı açıqlama yayıb.

Açıqlamada “Abyei bölgəsində fəaliyyət göstərən BMT-nin Müvəqqəti Təhlükəsizlik Qüvvələrinin (UNISFA) Sudanın Cənubi Kordofan əyalətinin paytaxtı Kaduqlidə yerləşən logistika mərkəzinə edilən hücumu qətiyyətlə pisləyirik” ifadəsinə yer verilib.

Açıqlamada Sudanın birliyinin və ərazi bütövlüyünün qorunmasının vacibliyi vurğulanıb, ölkədə davam edən münaqişələrin sülh yolu ilə həllinə yönəlmiş səylərə güclü dəstəyin davam etdirildiyi bildirilib.

Qeyd edək ki,Banqladeş ordusunun Xalqla Əlaqələr İdarəsi Kaduqlidə yerləşən BMT sülhməramlı missiyasının obyektinə edilən hücum nəticəsində 6 Banqladeşli əsgərin həlak olduğunu, 8-nin isə yaralandığını açıqlayıb.

Sudan tərəfi obyekti pilotsuz uçuş aparatı (PUA) ilə hədəfə almaqda Sürətli Dəstək Qüvvələrini (RSF) ittiham edib. RSF isə bu “iddia və ittihamları” rədd etdiyini bəyan edib.