BAKI,VOA, Nailə Babazadə
Türkiyə Prezidenti Administrasiyasının Kommunikasiya İdarəsinin məlumatına görə, Prezident Rəcəb Tayyib Ərdoğan və İspaniyanın Baş naziri Pedro Sançez arasında telefon danışığı baş tutub. Görüş zamanı liderlər ikitərəfli əlaqələrlə yanaşı, regional və qlobal məsələləri ətraflı müzakirə ediblər.
VOA xəbər verir ki, prezident Ərdoğan Türkiyə və İspaniyanın müdafiə sənayesi başda olmaqla hər sahədə nümayiş etdirdiyi həmrəyliyin hər iki xalq tərəfindən məmnuniyyətlə qarşılandığını və bu münasibətləri daha da inkişaf etdirməyi hədəflədiklərini bildirib. Regional gərginliyə toxunan Ərdoğan, İranın tamamilə məhv edilməsi hədəfi ilə hərəkət edilməsini qəbul etmədiklərini, eyni zamanda İranın regiondakı qardaş ölkələrə qarşı tutumunu da doğru hesab etmədiklərini vurğulayıb. O, vicdan sahibi olan hər kəsi sülhü müdafiə etməyə və diplomatiyaya diqqət yetirməyə çağırıb.
Türkiyə lideri həmçinin İsrailin Qəzza və digər ərazilərdəki hüquq tanımazlığının qarşısı alınmazsa, regionun sülhə həsrət qalmağa davam edəcəyini qeyd edib. Danışıq zamanı Rusiya-Ukrayna müharibəsinin sona çatdırılması üçün danışıqların yenidən canlandırılmasının və beynəlxalq birliyin sülh mərkəzli təmasları daha ciddi şəkildə gündəmə gətirməsinin vacibliyi ifadə olunub.
