BAKI,VOA
Malayziya Müdafiə Nazirliyi donanmanın modernləşdirilməsi çərçivəsində həyata keçirilən raket satınalmaları ilə bağlı maliyyə detallarını açıqlayıb. Verilən məlumata görə, Türkiyədən tədarük ediləcək 24 ədəd Roketsan istehsalı olan ATMACA gəmiəleyhinə raketi üçün 79,5 milyon avro ödəniş ediləcək.
VOA xəbər verir ki,açıqlamada həmçinin bildirilib ki, Cənubi Koreya istehsalı olan 48 ədəd K-SAAM hava müdafiə raketi üçün 94,8 milyon dollar büdcə ayrılıb. Digər tərəfdən, MBDA şirkəti ilə planlaşdırılan 29 ədəd VL MICA raketinə dair niyyət məktubunun dəyəri hələlik dəqiqləşmədiyi üçün açıqlanmayıb.
Sözügedən sursatların Türkiyədə inşa edilməkdə olan LMS Batch 2 sinifli gəmilərdə istifadə ediləcəyi qeyd olunub. Bu çərçivədə tədarük ediləcək sistemlərin Malayziya Donanmasının xüsusilə regional dəniz təhlükəsizliyi sahəsindəki çəkindiriciliyini artıracağı gözlənilir.
ATMACA Sahil Müdafiə Sisteminin texniki xüsusiyyətləri:
Uzunluq: 4,3 m – 5,2 m
Mənzil: > 220 km
İdarəetmə (Güdüm): ANS (İnersial Naviqasiya Sistemi) + KKS (Qlobal Mövqeyləşdirmə Sistemi) + Barometrik Altimetr + Radar Altimetri
Döyüş başlığının tipi: Yüksək partlayıcılı / Penetrasiya (nüfuzedici) təsirli
Döyüş başlığının çəkisi: 220 kq
Məlumat ötürmə kanalı (Veribağı): Hədəfin yenilənməsi, yenidən hücum, tapşırığın ləğv edilməsi imkanı
Arayıcı başlıq: Aktiv RF (Radio Tezlikli)
Sistemin əsas xüsusiyyətləri:
Otonom işləmə qabiliyyəti
Uzun mənzil və aşağı radar izi
Yüksək hədəf vurma dəqiqliyi
Bütün hava şəraitində vəzifə icra edə bilmə imkanı
Elektron əks-tədbirlərə qarşı dözümlülük
Məlumat ötürmə kanalı vasitəsilə hədəfin yenilənməsi, yenidən hücum və tapşırığın ləğvi funksiyası
Üçölçülü tapşırıq planlaşdırma
Hədəfə vaxtında çatma (ToT): Müxtəlif platformalardan çoxsaylı hədəfə eyni vaxtda zərbə
Fərqli zamanlarda hədəfə çatma (DToT): Eyni platformadan çoxsaylı hədəfə zərbə
Ardıcıl vaxtlarda hədəfə çatma (SToT): Hədəfi davamlı atəş altında saxlama
Salvo (yaylım) atəşi açma imkanı
Suüstü və sualtı platformalardan quru və suüstü hədəflərinə qarşı əməliyyat keçirmə qabiliyyəti
Yenidən hücum rejimi
Suüstü, sualtı və quru platformalarından həm suüstü, həm də quru hədəflərinə qarşı effektiv hücum imkanı
