BAKI,VOA Orxan Qədirzadə
İsrail və Türkiyə vətəndaşlığı olan Cessika Beçer İstanbulda saxlanıldıqdan sonra ABŞ tərəfinin müraciəti nəticəsində sərbəst buraxılıb və daha sonra üçüncü ölkə vasitəsilə İsrailə göndərilib.
VOA xəbər verir ki, 28 yaşlı Beçer İsrail ordusunda xidmət etdiyi iddiası ilə saxlanılmışdı. Bildirilir ki, o, ailəsini ziyarət etmək məqsədilə Türkiyəyə gəlib.
Hadisə ilə bağlı yayılan məlumatlarda qeyd olunur ki, Beçer 17 yaşında Türkiyədən ayrılaraq İsrailin nəzarətində olan ərazilərdə məskunlaşıb və sonradan hərbi xidmətə qoşulub.
Həmçinin onun Türkiyə vətəndaşlığından çıxarıldığı və ölkəyə girişinə qadağa qoyulduğu bildirilib.
Məlumatlara əsasən, Beçerin saxlanılması onun xarici orduda xidmət etməsi ilə bağlı şübhələr əsasında həyata keçirilib. Sosial şəbəkələrdə onun İsrail hərbi geyimində görüntülərinin yayıldığı qeyd olunur.
