BAKI,VOA, Fərid Mikayılov
İstanbulda cinayətkar qruplaşma üzvlərinə qarşı keçirilən əməliyyat zamanı 16 şübhəli saxlanılıb.
VOA xəbər verir ki, İstanbul Polis İdarəsinin Mütəşəkkil Cinayətkarlıqla Mübarizə Şöbəsinin həyata keçirdiyi əməliyyat nəticəsində şübhəlilərin yaralama, obyektlərin güllələnməsi və hədə-qorxu ilə talama faktlarına qarışdıqları müəyyən edilib.
Araşdırma zamanı onların Eyüpsultan, Üsküdar, Bağcılar və Ataşehir rayonlarında müxtəlif cinayət əməllərində iştirak etdikləri bildirilib.
Şübhəlilərin ünvanlarında aparılan axtarış zamanı 6 ədəd sənədsiz tapança və oğurluq motosiklet aşkarlanaraq götürülüb.
