BAKI,VOA, Fərid Mikayılov
Fələstin Dövlətinin Prezidenti Mahmud Abbas Türkiyə Prezidenti Rəcəb Tayyib Ərdoğanın dəvəti ilə Türkiyəyə rəsmi səfər edəcək.
VOA xəbər verir ki, Türkiyə Prezidenti Administrasiyasının Kommunikasiya İdarəsinin rəhbəri Burhanəddin Duran Mahmud Abbasın 11-13 avqust 2026-cı il tarixlərində Türkiyədə rəsmi səfərdə olacağını açıqlayıb.
Bildirilib ki, səfər çərçivəsində avqustun 12-də keçiriləcək görüşlər zamanı Fələstindəki son vəziyyət, ikitərəfli münasibətlər və regional proseslər müzakirə olunacaq.
Burhanəddin Duran qeyd edib ki, görüşlər zamanı Türkiyə ilə Fələstin arasında əlaqələrin inkişaf perspektivləri və bölgədə baş verən hadisələr ətrafında fikir mübadiləsi aparılacaq.
Mahmud Abbasın səfəri Yaxın Şərqdə davam edən gərginlik və Fələstin məsələsinin beynəlxalq gündəmdə olduğu bir dövrdə həyata keçirilir.
