BAKI,VOA Orxan Qədirzadə
Türkiyə ilə İtaliya arasında müdafiə sənayesi sahəsində əməkdaşlığın Bayraktar TB3 və KIZILELMA pilotsuz uçuş aparatlarına qədər genişlənməsi Yunanıstan mətbuatında narahatlıqla qarşılanıb.
Yunanıstanın “Naftemporiki”, “Enikos” və “SLpress” nəşrləri Baykar ilə İtaliyanın Leonardo şirkəti arasındakı əməkdaşlığın Türkiyənin Avropa müdafiə sənayesində təsirini artırdığını yazıb.
Məlumata görə, Baykar və Leonardo tərəfindən yaradılan LBA Systems TB3-ün əsasında hazırlanan “Astore Levante” platformasını beynəlxalq aviasiya sərgisində təqdim edib. Platformanın 24 saatdan çox havada qala və kəşfiyyat, hədəf müəyyənləşdirmə və elektron müharibə missiyalarında istifadə oluna biləcəyi bildirilib.
Yunanıstan mətbuatı əməkdaşlığın Türkiyənin reaktiv mühərrikli KIZILELMA pilotsuz döyüş təyyarəsinə də yayıldığını qeyd edib. Nəşrlər Avropanın KIZILELMA-nı insanlı döyüş təyyarələrini müşayiət edən “sadiq qanad adamı” kimi nəzərdən keçirə biləcəyini yazıb.
