BAKI,VOA Orxan Qədirzadə
Sabiha Gökçen Hava Limanında 2026-cı ilin iyul ayında sərnişinlərin sayı 28 milyon 14 min 566 nəfərə çatıb.
Türkiyənin Nəqliyyat və İnfrastruktur Nazirliyindən verilən məlumata görə, bu göstərici 2025-ci ilin eyni dövrü ilə müqayisədə 6 faiz artıb.
Sərnişinlərin 15 milyon 82 min 55 nəfəri beynəlxalq, 12 milyon 932 min 511 nəfəri isə daxili reyslərin payına düşüb. Beynəlxalq sərnişin daşımaları 2 faiz, daxili reyslər üzrə daşımalar isə 11 faiz artıb.
Hava limanında yük daşınması illik müqayisədə 3 faiz artaraq 290 min 903 tona çatıb. Daxili reyslər üzrə yük daşınması 8 faiz artıb, beynəlxalq yük daşınmasında isə dəyişiklik qeydə alınmayıb.
İyul ayında Sabiha Gökçen Hava Limanından 160 min 890 uçuş həyata keçirilib. Bu, 2025-ci ilin eyni dövrü ilə müqayisədə 5 faiz çoxdur.
Qeyd edək ki, 2026-ci ilin iyul ayında Türkiyənin bütün hava limanlarında sərnişin daşınması 138 milyon 758 min 202 nəfər, yük daşınması isə 3 milyon 27 min 448 ton təşkil edib.
