Husi yaraqlıları Qırmızı dənizdə üzən Səudiyyə şirkətinə məxsus “Encelia” gəmisinə hücum edərək regionda gərginliyi artırıblar; hücum nəticəsində gəminin ön hissəsində yanğın baş verib.
ArabAZ xəbər verir ki, Səudiyyə Nəqliyyat Qurumunun rəsmisi bu cür hücumların ticarət gəmilərinin və onların heyətinin təhlükəsizliyini təmin edən beynəlxalq qanun və normanın kobud şəkildə pozulması olduğunu vurğulayıb. Rəsmi şəxs gəmi heyətinin bütün üzvlərinin təhlükəsizlikdə olduğunu, aidiyyəti qurumların gəminin, heyətin təhlükəsizliyini təmin etmək və dəniz ətraf mühitini qorumaq üçün bütün zəruri tədbirləri gördüyünü təsdiqləyib.
Yəmən hökuməti bəyan edib ki, “Husilərin mülki gəmiləri və qlobal enerji təchizatını hədəf alan hücumları açıq şəkildə öz üzərinə götürməsi bu silahlı qruplaşmanın terrorçu mahiyyətini bir daha sübut edir, onların regional və beynəlxalq təhlükəsizliyi hədələməkdə, Yəmən xalqının resursları ilə qumar oynamaqda və humanitar əzabları dərinləşdirməkdə israrlı olduğunu göstərir”.
- Kamera önündəki tərəddüd: “İnkişaf Yolu”-nun arxasındakı nüfuz döyüşü və Bakı-Ankara-Bağdad oxu
- Prezident İlham Əliyev Mərakeş Kralını və xalqını təbrik edib
- Suriyanın şimal-şərqində aşirət səfərbərliyi nəyə işarə edir?
- Könül Xasıyeva sənətinin ərəb musiqisindəki dəqiq analoqu kimdir?
- Türkiyənin sabiq baş naziri Əhməd Davudoğlu siyasətlə vidalaşdı
- İsraildə parlament seçkilərində əsas iddiaçılar kimlərdir?
Böyük Britaniya Xarici İşlər Nazirliyi “X” sosial şəbəkəsindəki paylaşımında qruplaşmanın əməllərini “insan həyatını təhlükəyə atan, ekoloji fəlakət və regionda sabitliyin pozulması riski yaradan düşünülməmiş addım” adlandırıb və bunu “beynəlxalq hüququn ciddi pozuntusu” kimi qiymətləndirib.
Avropa İttifaqının xarici siyasət rəhbəri Kaja Kallas da bəyanatında hücumun “qəbuledilməz və qanunsuz olduğunu, regionda onsuz da gərgin olan vəziyyəti daha da alovlandırdığını” bildirərək husiləri beynəlxalq gəmiçiliyi və dənizçilərin həyatını təhlükəyə atmamağa çağırıb.
