Bakı, AzerVoice
İran İnqilabı Keşikçiləri Korpusunun qolu olan Qüds Qüvvələrinin lideri bildirib ki, İranın HƏMAS hərəkatının rəhbəri İsmayıl Haniyənin öldürülməsinə cavabı “fərqli olacaq və bu cavabın tərzi açıqlanmamalıdır”.
Buna cavab olaraq Pentaqondan gələn açıqlamada: “Birləşmiş Ştatlar Tehranın İsrailə təhdidlərini ciddi qəbul etməyə davam edir.”-deyilib.
AzerVoice ArabAZ - a istinadən xəbər verir ki, İnqilab Keşikçiləri Korpusunun Xarici Əməliyyatlar bölməsinin komandirinin müavini, briqada generalı Möhsün Çidhari İran lideri Əli Xameneyinin təhdidinə açıq şəkildə istinad edərək, Həniyyənin qanının qisasının alınmasının müqəddəs borc olduğunu bildirib və qeyd edib ki, “İran bunun mütləq edəcək”.
“İranın cavabının keyfiyyəti və tərzi sionistlərin cinayətləri ilə bağlı məqsədlərimizə nail ola biləcəyimiz şərait və məkandan asılıdır. İranın məqsədlərinə lazımi anda və lazımi sürpriz elementi ilə nail olmaq və eləcə də qisas alınması üçün uyğun şərait və fürsət yaranana qədər səbir və təmkinli davranır.”-deyə o bildirib.
İran və regionda ona sadiq silahlı qruplar keçən ayın sonlarında Tehran və Beyrutda iki tanınmış liderin öldürülməsinə cavab olaraq İsraili hücumla hədələdilər və Hizbullah İsrailə buraxılan raketlərin təşkilatın liderinin , daha doğru Fuad Şükrün öldürülməsinə cavab olduğunu açıqladı.
Avqustun 25-də İsrail Fuadın öldürülməsinə cavab olaraq Hizbullahın öz ərazisində başlatdığı “hücumun böyük hissəsinin” qarşısını aldığını açıqladı.
Çidhari Livan Hizbullahının İsrailə başlatdığı “kütləvi hücum” haqqında açıqlama verərərk, “Ərbəin əməliyyatı Fuad Şükrün öldürülməsinə cavab olaraq həyata keçirilib.”-deyib.
Çidhari İsrailin İordan çayının qərb sahilindəki əməliyyatlarına toxunub. O, deyib: “Müqavimət güclüdür və Qəzzə döyüş meydanında qələbəni təsdiqləyir və bugünkü şərait müqavimət oxunun xeyrinədir. Sionistlər nə müqavimətə zərər verə, nə də öz məqsədlərinə nail ola bildilər”.
O vurğulayıb ki, “Qəzzada müqavimət strukturu hələ də mövcuddur və İordan çayının qərb sahilində o, yaranır və inkişaf edir. Bu gün sionist varlıq İordan çayının qərb sahilində müqavimətin formalaşması və güclənməsinə mane olmaq istəyir, lakin şübhəsiz ki, buna nail olmayacaq. ”
İran mediası Baş Qərargah rəisinin müavini, general Əli Abdullahdan sitat gətirib: “İsrailə ağır zərbə endirəcəyik, lakin cavabın vaxtı dəqiqləşdirilməyib. Sionist dövlət nəzərə almalıdır ki, İran bu cinayətə göz yummayacaq”.
Pentaqonun sözçüsü general-mayor Pat Ryder çərşənbə axşamı axşam jurnalistlərə deyib ki, “İran qisas almaq niyyətində olduğunu bildirib, ona görə də biz bu təhdidi ciddiyə almağa davam edəcəyik”.
