BAKI, AzerVoice
Borussia Dortmund klubu, Sanderlendin gənc yarımmüdafiəçisi Coub Bellinqemin transferini başa çatdıracağına əmindir.
AzerVoice xəbər verir ki, 19 yaşlı futbolçu, 2017-ci ildən bəri ilk dəfə Premyer Liqaya yüksələn Sanderlendin uğurunda əsas rollardan birini oynayıb və Avropanın bir çox klublarının diqqətini cəlb edib.
Lakin Dortmund rəhbərliyi hazırda bu transferdə ən güclü mövqedə olduqlarını düşünür.
Onlar hələ Sanderland ilə rəsmi danışıqlara başlamasalar da, Bellinqemin böyük qardaşı Cyud Belliqemiın yolunu davam etdirərək Dortmund-a qoşulmaq istədiyi barədə güclü siqnallar aldıqlarını və bu transferin baş tutacağına inandıqlarını bildiriblər.
Dortmund-un danışıqlardakı mövqeyi mövsümün sonundakı güclü nəticələrlə daha da möhkəmlənib. Bundesliqada son 8 oyununa qədər 11-ci yerdə qərarlaşan komanda, mövsümü 7 qələbə və 1 heç-heçə ilə başa vuraraq dördüncü pilləyə yüksəlib və növbəti mövsüm üçün Çempionlar Liqasına vəsiqə qazanıb.
Xatırladaq ki, Dortmund 2020-ci ildə Cyud Bellinqemi Birminqham Sitidən transfer edib. O, üç il ərzində 132 oyun keçirib, Erlinq Haaland və Ceydon Sanço ilə birlikdə 2021-ci ildə Almaniya Kubokunu qazanıb. Lakin 2023-cü ildə Real Madrid-ə keçməzdən əvvəl Bundesliqa çempionluğunu əldən verib və son turda Mainz ilə heç-heçə nəticəsində komanda 11 ildən sonra çempionluq şansını əldən verib.
