BAKI,VOA, Fərid Mikayılov

Türkiyənin aparıcı futbol klublarından birində mühüm idarəetmə qərarı qəbul edilib.

VOA xəbər verir ki, “Fənərbaxça” klubunun prezidenti Sadettin Saran klubun 6-7 iyun tarixlərində növbədənkənar seçkili ümumi yığıncaq keçirəcəyini açıqlayıb.

Məlumata görə, qərar klub daxilində yaranmış vəziyyət və mövcud şərtlər nəzərə alınaraq qəbul edilib. Saran bildirib ki, bu addım klubun gələcək inkişafı və yeni mərhələyə keçidi üçün vacib hesab olunur.

Onun sözlərinə görə, rəhbərlik dövründə əsas məqsəd komandanın uğurlarını artırmaq və uzun müddətdir davam edən çempionluq həsrətinə son qoymaq olub. Lakin mövcud nəticələr gözləntiləri tam qarşılamadığından, yeni qərarın qəbul edilməsi zəruri sayılıb.

Klub rəhbəri vurğulayıb ki, “Fənərbaxça” heç bir şəxsin maraqları üzərində qurulmamalı, ümumi dəyərlərə əsaslanan birlik modeli ilə inkişaf etməlidir.