BAKI,VOA, Fərid Mikayılov
“Qarabağ” Futbol Klubunda növbəti transfer rəsmiləşib.
VOA “Prosport.az”a istinadən xəbər verir ki, Ağdam təmsilçisinin aparıcı yarımmüdafiəçisi Marko Yankoviç karyerasını Türkiyə Super Liqasının yeni iştirakçısı “Çorum” klubunda davam etdirəcək.
Bildirilir ki, Türkiyə klubu təcrübəli futbolçunun “Qarabağ”la 2027-ci ilin yayınadək qüvvədə olan müqaviləsinə xitam verilməsi müqabilində Azərbaycan klubuna müəyyən məbləğdə transfer haqqı ödəyib. “Çorum”un heyətində “Qarabağ”ın sabiq bosniyalı qapıçısı İbrahim Şehiç də çıxış edir və bu, Yankoviçin adaptasiya prosesinə müsbət təsir göstərə bilər.
Qarabağ klubu Marko Yankoviçin gedişindən yaranacaq boşluğu doldurmaq üçün artıq mərkəz yarımmüdafiəsinə portuqaliyalı Samuel Lobatunu transfer edib.
