"Qızıl top" sahibi və UEFA Çempionlar Liqasının 5 qat qalibi Kərim Benzema peşəkar futbol karyerasını bitirməyə qərar verib. 38 yaşlı fransalı hücumçu "Əl-Hilal" klubu ilə müqaviləsini qarşılıqlı razılıq əsasında ləğv etdikdən sonra yaşıl meydanlarla birdəfəlik vidalaşmağa hazırlaşır.
Forvardın "Əl-Şəbab"dan gələn transfer təklifini rədd etməsi onun başqa kluba keçmək əvəzinə butslarını mismardan asmaq niyyətində olduğunu təsdiqləyir. Benzema karyerası boyunca "Lion" və "Real Madrid"də qazandığı böyük zəfərlərdən sonra son 3 ilini Səudiyyə Ərəbistanında keçirib, "Əl-İttihad" və "Əl-Hilal" forması ilə 76 oyunda 48 qola imza atıb.
Klubla yolları ayrılsa da, fransalı ulduzun Səudiyyə Pro Liqası ilə 2030-cu ilə qədər nəzərdə tutulan illik 23 milyon dollarlıq tanıtım müqaviləsi qüvvədə qalır. Bu səbəbdən Benzemanın futboldan getsə belə, Səudiyyə futbol layihəsinin qlobal siması kimi fəaliyyətini davam etdirəcəyi bildirilir.
