Bakı. AzerVoice
Türkiyə Demoqrafik və Sağlamlıq Araşdırması 5 illik fasilədən sonra yenidən keçiriləcək.
AzerVoice xəbər verir ki, Türkiyənin Prezident Strategiya və Büdcə Naziri İbrahim Şenel, "2024 Türkiyə Əhali və Sağlamlıq Araşdırması" çərçivəsində təxminən 20 min ev təsərrüfatı ilə sorğu aparılaraq məlumatların toplanacağını ifadə edib.
Bu barədə bir tədbirdə çıxış edən Şenel "Doğuşun azalması və əhalinin yaşlanması tendensiyası əmək bazarı, inkişaf potensialımız və ölkəmizin uzunmüddətli rifahı üzərinizdə basqı əmələ gətirir" deyə əlavə edib.
O, bir çox sahədə atılacaq addımların müəyyənləşdirilməsində əhali strukturunun təsbit edilməsinin kritik əhəmiyyət kəsb etdiyinə diqqət çəkib.
Doğurganlığın azalması səbəbindən əhalinin artım sürətinin yavaşladığını ifadə edən Şenel, "Doğum zamanı gözlənilən ölüm halları azalır və yaşlı əhalinin həm sayca, həm də əhali içindəki payı artmağa davam edir. Bundan əlavə, yaşlanma tendensiyası ilə birlikdə orta yaş da artır və bəzi ölkələr üçün xaricdən köç prosesi əhali meylləri üzərində əhəmiyyətli təsir göstərir." deyib.
Şenel bildirib ki, ölkələrin demoqrafik strukturlarında baş verən dəyişikliklər əmək bazarlarına, sosial təminat sistemlərinə, dövlət gəlir və xərclər balansına, dövlət xidmətləri və maliyyə ehtiyaclarına təsir göstərir.
Türkiyə Demoqrafik və Sağlamlıq Araşdırmasının 1968-ci ildən bəri hər beş ildən bir keçirildiyini xatırladan Şenel, bu sorğunun 12-cisinə start verəcəklərini bildirib. Şenel, araşdırmanın doğum, ölüm və miqrasiya göstəricilərində baş verən dəyişikliyi və bu dəyişikliyə təsir edən faktorları ortaya çıxardığını, bu sahələrdə hazırlanacaq dövlət proqramları və strategiyalara istiqamət verdiyini bildirib.
