Bakı,  AzerVoice

2024-ci ilin avqustunda Gürcüstandan Türkiyəyə 147 min 905 turist səfər edib ki, bu da 2023-cu ilin avqustu ilə müqayisədə 12,62 faiz azdır.

Bu barədə  AzerVoice-a Türkiyə Mədəniyyət və Turizm Nazirliyindən bildiriblər.

Hesabat dövründə Türkiyəyə səfər etmiş əcnəbilər arasında Gürcüstan vətəndaşlarının payı 2,17 faiz təşkil edib.

2024-ci ilin yanvar-avqust aylarında Gürcüstandan Türkiyəyə 1 milyon 3 min 932 turist səfər edib ki, bu da ötən ilin müvafiq dövrü ilə müqayisədə 7,14 faiz azdır.

2024-ci ilin yanvar-avqust aylarında Türkiyəyə səfər etmiş əcnəbilər arasında Gürcüstan vətəndaşlarının payı isə 2,80 faiz təşkil edib.

Nazirliyin məlumatında qeyd edilir ki, 2024-ci ilin avqustunda Türkiyəyə 6 milyon 825 min 403 turist səfər edib ki, bu da ötən ilin avqustu ilə müqayisədə 2,47 faiz çoxdur.

2024-ci ilin yanvar-avqust aylarında 35 milyon 803 min 874 turist səfər edib ki, bu da ötən ilin eyni dövrü ilə müqayisədə 7,11 faiz çoxdur.