Bakı Fond Birjasının (BFB) Listinq Komitəsinin qərarı ilə "KƏPƏZ BOKT" MMC-nin istiqrazları Standart Bazar Listinq seqmentinə daxil edilib.
AzerVoice xəbər verir ki, 1,000,000 manat həcmində olan istiqrazların yerləşdirilməsi 12 fevral 2026-cı il tarixində uğurla başa çatıb.
Hərracın nəticələri və investor marağı Abunə yazılışı üsulu ilə keçirilən yerləşdirmə zamanı 52 investor tərəfindən 52 sifariş daxil olub. Ümumi həcmi 1,000,000 manat olan emissiya tam şəkildə reallaşdırılıb. Hərracın anderrayteri qismində “Troni İnvestisiya Şirkəti” QSC çıxış edib.
İstiqrazların şərtləri və gəlirlilik
İnvestorlar üçün kifayət qədər cəlbedici şərtlərlə təqdim olunan istiqrazların əsas göstəriciləri aşağıdakı kimidir:
İllik gəlirlilik: 15%
Tədavül müddəti: 24 ay
Ödəmə periodu: Hər ay
Nominal dəyər: 100 manat
Ticarət nəticələri birjanın müvafiq qaydalarına cavab verdiyi üçün qiymətli kağızlar rəsmən listinqə alınıb. İnvestorlar emissiya prospekti ilə BFB-nin rəsmi saytında tanış ola bilərlər.
