BAKI, VOA, Nailə Babazadə
2026-cı ilin fevral ayında Türkiyənin kimyəvi maddə məhsulları ixracı ötən ilin eyni dövrü ilə müqayisədə 6,6 faiz azalaraq, 2 milyard 322 milyon 496 min dollara bərabər olub.
Bu barədə VOA-a Türkiyə Ticarət Nazirliyindən məlumat verilib.
2026-cı ilin yanvar-fevral aylarında Türkiyənin kimyəvi maddə məhsulları ixracı ötən ilin eyni dövrü ilə müqayisədə 8,2 faiz azalaraq, 4 milyard 622 milyon 179 min dollara bərabər olub.
Nazirlikdən onu da bildiriblər ki, son 12 ay ərzində (fevral 2026 - fevral 2025) Türkiyə 31 milyard 486 milyon 461 min dollar məbləğində kimyəvi maddə məhsulları ixrac edib.
Qeyd edək ki,2025-ci ilin yanvar-dekabr aylarında Türkiyənin kimyəvi maddə məhsulları ixracı ötən ilin eyni dövrü ilə müqayisədə 3,9 faiz artaraq, 31 milyard 931 milyon 878 min dollara bərabər olub.
