BAKI,
AzerVoice
Netanyahunun sağçı müttəfiqləri Qəzzada atəşkəsi pozmağa
çalışır.
AzerVoice xəbər verir ki, İsrailin
ifrat sağçı nazirləri – Milli Təhlükəsizlik naziri İtamar Ben-Qvir
və Maliyyə naziri Bezalel Smotriç Qəzzada atəşkəs və məhbus
mübadiləsi razılaşmasının qarşısını almağa hazırlaşır.
İsrail mediası bu şəxslərin mövcud razılaşmanı pozmaq üçün siyasi
blok yaratmaq niyyətində olduğunu yazır.
Yedioth Ahronot qəzetinə görə, Ben-Qvir bu məqsədlə Smotriçə müraciət edib və onların yaxın saatlarda görüşəcəyi gözlənilir. Lakin Smotriçin ofisindən yayılan açıqlamada, belə bir birbaşa müraciətin olmadığı bildirilib.
Qeyd edək ki, hər iki nazir daha əvvəl də atəşkəsə qarşı olduqlarını açıq şəkildə bəyan ediblər. Yanvar ayında Ben-Qvir atəşkəsə etiraz olaraq istefa versə də, Smotriç eyni addımı atmayıb.
Son hücumlar fonunda Qəzzada 39 fələstinli həyatını itirib. ABŞ prezidenti Donald Tramp isə İsrailin 60 günlük atəşkəs şərtlərini qəbul etdiyini və bu müddətdə danışıqların davam etdiriləcəyini açıqlayıb. Tramp, yaxın günlərdə Netanyahunu Vaşinqtonda qəbul edəcəyini də bildirib.
