BAKI, AzerVoice
ABŞ-da ticarət məqsədli neft ehtiyatları bir həftə ərzində 6,2 milyon barrel artaraq 28 mart 2025-ci il tarixində 439,8 milyon barrel təşkil edib.
AzerVoice xəbər verir ki, bu barədə ABŞ-ın Energetika Nazirliyi məlumat yayıb.
Məlumata əsasən, hazırkı ehtiyat həcmi ilin bu dövrü üçün son beş ilin orta göstəricisindən 4% aşağıdır.
Bakı vaxtı ilə saat 16:30-a olan məlumata görə, London ICE birjasında iyun ayı üzrə Brent markalı neftin fyuçerslərinin qiyməti 0,28% azalaraq bir barel üçün 74,28 dollar olub. May ayı üzrə WTI markalı neftin qiyməti isə 0,15% geriləyərək 71,09 dollar/barel səviyyəsinə düşüb.
