ABŞ-nin Strateji Neft Ehtiyatı nədir və niyə mühüm əhəmiyyət daşıyır?
ABŞ-nin Strateji Neft Ehtiyatı 1975-ci ildə ərəb ölkələrinin neft embarqosundan sonra yaradılıb. Onun əsas məqsədi fövqəladə vəziyyətlərdə ölkənin enerji təhlükəsizliyini təmin etməkdir. Hazırda ehtiyatda təxminən 290 milyon barrel neft saxlanılır. Bu, 700 milyon barrellik ümumi tutumun yarısından da azdır. Ehtiyatın hazırkı həcmi 1983-cü ildən bəri ən aşağı səviyyədədir. Neft Meksika körfəzi sahillərindəki 61 yeraltı duz mağarasında saxlanılır. Köhnəlmiş infrastruktur səbəbindən ehtiyatın təxminən dörddəbir hissəsindən hazırda neft çıxarmaq mümkün deyil. ABŞ hökuməti təmir işlərinə 1,4 milyard dollar ayırsa da, tam bərpanın yeddi ilədək davam edə biləcəyi bildirilir.
ABŞ–Səudiyyə nüvə sazişi İbrahim Sazişlərinə qoşulmaq şərti ilə mümkün olacaq - Tramp
Donald Tramp ABŞ ilə Səudiyyə Ərəbistanı arasında mülki nüvə sazişinin şərtini açıqlayıb. O bildirib ki, saziş yalnız Səudiyyə Ərəbistanı İbrahim Sazişlərinə qoşulduğu halda təsdiqlənəcək. Tramp sazişin yalnız dinc məqsədlər üçün nəzərdə tutulduğunu vurğulayıb. Onun sözlərinə görə, proqram çərçivəsində uranın zənginləşdirilməsinə icazə verilməyəcək. ABŞ Prezidenti bu modeli digər ölkələrdə tətbiq olunan mülki nüvə proqramları ilə müqayisə edib. O, sazişin hərbi məqsədlər daşımadığını xüsusi qeyd edib. Məsələ Vaşinqton və Ər-Riyad arasında strateji əməkdaşlığın mühüm istiqamətlərindən biri kimi qiymətləndirilir.
Hörmüz boğazında gəmi hərəkəti yayda bərpa olunacaq - ABŞ
ABŞ Energetika naziri Kris Rayt Hörmüz boğazında gəmi hərəkətinin yaxın aylarda tam bərpa olunacağını açıqlayıb. Nazirin sözlərinə görə, boğazdakı gəmi hərəkəti mümkün olan ən qısa zamanda, ən gec isə yay aylarında yenidən tam fəaliyyətə başlayacaq.
ABŞ Energetika Naziri: Hörmüz Boğazının əhəmiyyəti azalacaq
ABŞ Energetika naziri Kris Rayt bildirib ki, Yaxın Şərqdə boru kəmərlərinin genişlənməsi enerji ixracını artıracaq və Hörmüz boğazının qlobal neft və qaz daşımalarındakı əhəmiyyəti azalacaq. Region ölkələri ABŞ-ın mühüm müttəfiqləri olaraq qlobal enerji bazarında rolunu saxlayır.
ABŞ Nazirindən xəbər: Fars Körfəzi açıq qalmalıdır
ABŞ Energetika Naziri Kris Rayt bildirib ki, Çin İran neftini ABŞ-dan daha çox ala bilər və qlobal bazarlar üçün əsas məsələ Fars körfəzinin açıq qalmasıdır. Vəziyyətin normallaşması İran qərarlarından asılıdır, eyni zamanda nüvə proqram dayandırılacaq və Hörmüz boğazı vasitəsilə ticarət axını sərbəst davam edəcək.
