Bakı, AzerVoice
Alp dağlarının İtaliya tərəfindəki Marmolada təpəsində Birinci Dünya Müharibəsində ölən iki əsgərin qalıqları tapılıb.
AzerVoice xəbər verir ki, bu barədə İtaliyanın ANSA agentliyi paylaşım edib.
Bildirilib ki, əsgərlərin qalıqları adətən yay istisindən əriyən quruları örtən buzlar nəticəsində ötən həftə bölgədə bir səyyah tərəfindən aşkar edilib.
Qalıqları tapılan əsgərlər, 1915-1918-ci illər arasında İtaliya ilə Avstriya-Macarıstan İmperiyası arasında "Ağ Müharibə" kimi tanınan Alp dağlarında gedən müharibədə həlak olan və cəsədlərinin 100 ildən çox təpədə qalan piyadaların olduğu qeyd edilib.
Bildirilib ki, əsgərlərin qalıqları tapıldıqları yerdən çıxarılıb, ekspertizaya aparılıb, sonra isə Asiyaqodakı hərbi qəbiristanlıqda dəfn edilib.
Hafiz Rufizoğlu
