BAKI, AzerVoice

Araşdırmalara görə, Yerin nüvəsindən qızıl və digər qiymətli metallar səthə doğru sızır.

AzerVoice xəbər verir ki, Almaniyanın Göttingen Universitetinin alimləri Yerin nüvəsində böyük miqdarda qızıl və digər qiymətli metalları müəyyən edib.

Havay adalarında vulkanik süxurlarda aparılan izotop analizləri bu metalların mantiyadan səthə doğru hərəkət etdiyini göstərib. Rutenium-100 izotopunun izlərinə əsasən, qızıl, platin, palladium və rodium kimi metalların Yer kürəsinin dərinliklərindən səthə doğru tədricən geri döndüyü bildirilir. Tədqiqatçılar bu prosesi yeni izotop analiz texnologiyası ilə izləyə biliblər.

Qeyd edək ki, alimlər Yerin nüvəsində, Yer səthinin hamısını 50 santimetr qalınlığında qızıl təbəqəsi ilə örtəcək qədər ehtiyat olduğunu təxmin etsələr də, bu ehtiyatlara çatmaq texniki baxımdan mümkün deyil. Tədqiqatın nəticələri nüfuzlu “Nature” jurnalında dərc olunub.