BAKI,VOA, Nailə Babazadə

İran parlamentinin (Məclisinin) Hörmüz boğazından keçən gəmilərdən keçid haqqı alınmasını nəzərdə tutan qanun layihəsini təsdiqləməyə hazırlaşdığı bildirilib.

VOA xəbər verir ki, yarımrəsmi ISNA xəbər agentliyinə danışan Parlamentin İqtisadiyyat Komissiyasının üzvü Səid Rəhmətzadə Hörmüz boğazından keçən gəmilərdən rüsum alınması ilə bağlı hazırlanan qanun layihəsi barədə məlumat verib.

Boğazlardan keçid haqqı alınmasının dünyadakı bir çox mühüm dənizçilik marşrutlarında geniş yayılan bir təcrübə olduğunu qeyd edən Rəhmətzadə bildirib.

"Bu addım ölkənin gəlir mənbələrini gücləndirməyə və bu marşrutdakı təhlükəsizlik və dənizçilik xidmətlərinin səviyyəsini yüksəltməyə kömək edə bilər. Bu çərçivədə Parlament Hörmüz boğazından təhlükəsiz keçid üçün rüsum alınmasını nəzərdə tutan qanun layihəsini təsdiqləməyə hazırdır." - deyə Rəhmətzadə qeyd edib.

ABŞ və İsrailin İrana qarşı hücumlarına cavab olaraq İranın qisas zərbələri davam edərkən, İnqilab Keşikçiləri Korpusu (SEPAH) Hörmüz boğazını ABŞ, İsrail və onların müttəfiqləri ilə əlaqəli gəmilərin keçidi üçün bağlamışdı.