MANAMA,VOA
Bəhreynin paytaxtı Manama və ətraf ərazilərdə son bir saat ərzində artıq ikinci dəfə xəbərdarlıq sirenləri səslənib. Ölkənin Daxili İşlər Nazirliyi yaranmış vəziyyətlə bağlı təcili bəyanat yayıb.
VOA xəbər verir ki, Nazirlik əhaliyə müraciət edərək "təmkinli olmağı və dərhal ən yaxın təhlükəsiz yerlərə üz tutmağı" tapşırıb. Həyəcan siqnallarının hansı konkret təhdidlə bağlı səsləndiyi barədə hələlik rəsmi təfərrüat verilməsə də, regionda gərginliyin artdığı bir vaxtda bu xəbərdarlıq ciddi narahatlıq yaradıb.
Paytaxtda hərbi və təhlükəsizlik qüvvələrinin hazırlıq vəziyyətinə gətirildiyi bildirilir.
