Bəhreyndə həyəcan siqnalları - Əhaliyə "təhlükəsiz yerlərə keçin" çağırışı edilib
Bəhreynin paytaxtı Manama və ətraf ərazilərdə son bir saat ərzində artıq ikinci dəfə xəbərdarlıq sirenləri səslənib. Ölkənin Daxili İşlər Nazirliyi yaranmış vəziyyətlə bağlı təcili bəyanat yayıb.
İranın bəzi Körfəz ölkələrini atəşə tutmaqda davam etməsi nəticəsində itkilər var
Səudiyyə Ərəbistanı və Küveyt bazar günü axşam saatlarında İran raketlərinin qarşısını aldıqlarını açıqlayıb. Bəhreyn də ABŞ və İsrailin İrana qarşı müharibəsinə cavab olaraq həyata keçirilən bu hücumlar fonunda həyəcan siqnallarını işə salıb. Səudiyyə Ərəbistanının Müdafiə Nazirliyi bəyanatında paytaxt Ər-Riyaddan cənub-şərqdə, Əl-Xərc əyalətində yerləşən Şahzadə Sultan aviabazasına doğru atılan iki ballistik raketi zərərsizləşdirdiyini və məhv etdiyini bildirib. Daha sonra Nazirlik bazar ertəsi səhər saatlarında Rüb əl-Xali səhrasında Şeybə yatağına doğru hərəkət edən bir PUA-nın zərərsizləşdirilərək məhv edildiyini açıqlayıb.
