BAKI,VOA

İran Prezidenti Məsud Pezeşkian digər rəsmi şəxslərə qoşularaq, ABŞ Prezidenti Donald Trampın İranı "Daş dövrünə" qaytarmaq təhdidinə sərt reaksiya verib. Pezeşkian bu bəyanatı "kütləvi müharibə cinayəti" törətmək niyyətinin açıq etirafı adlandırıb.

VOA xəbər verir ki, Prezident Pezeşkian bu məsələni beynəlxalq hüquq müstəvisinə çıxararaq bildirib ki, Trampın ritorikası mülki infrastrukturu və bütöv bir xalqı hədəf almaq deməkdir ki, bu da beynəlxalq konvensiyalara görə cinayət hesab olunur.

Pezeşkian bu mövzunu Finlandiyalı həmkarı, peşəkar hüquqşünas Aleksandr Stubb ilə də müzakirə etdiyini vurğulayıb.

"Mən bu sualı hüquqşünas olan finlandiyalı həmkarıma da ünvanladım. Tarix cinayətkarlar qarşısında sükut saxladıqları üçün ağır bədəl ödəyənlərlə doludur."-deyə o bildirib.

İran rəhbərliyi Trampın bəyanatlarını təkcə hərbi təhdid deyil, həm də bəşəriyyətə qarşı cinayət planı kimi qiymətləndirir. Pezeşkianın bu çıxışı rəsmi Tehranın beynəlxalq ictimaiyyəti ABŞ-ın aqressiv ritorikasına qarşı səfərbər etmək cəhdi kimi görünür.

Does threatening to send an entire nation back to the Stone Age mean anything other than a massive war crime? This was the question I asked my Finnish counterpart, who is a jurist. History is full of those who paid a heavy price for their silence in the face of criminals.

— Masoud Pezeshkian (@drpezeshkian) April 3, 2026